Nú lifi ég í vellystingum á Hótel Mömm á Höfðaveginum á eyjunni fögru í suðri. Fékk mýkstu náttföt í geiminum í jólagjöf, er bara í þeim, fæ mér gott að borða, drekk pínu rauðvín, les, spila við vini og ættingja og sef eins og mig lystir. Þetta er dásamlegt!

Það er enginn kreppa hér á Heimaey, það eru búnar að vera uppsagnir, það er búið að vera samdráttur. Nú er frekar uppbygging og bjartsýni á þessum slóðum. Ný og glæsileg fataverslun að opna í miðbænum og hyggt er að frekari uppbyggingu þar. Nýr og flottur skemmtistaður var opnaður nú á dögunum, verið er að byrja á framkvæmdum við útisvæði við sundlaugina, vatnsútflutningur er á prjónunum sem lofar góðu og margt  fleira. Mér finnst fólk hér jákvætt og ánægt með að vera hérna.

Það sama er hins vegar ekki uppi á teningnum á höfðuborgarsvæðinu þar sem ég bý. Þar eru margir í kringum mig að missa vinnuna, missa fyrirtækin sín, stefna í gjaldþrot. Horfa á mánaðarlegar greiðslur hækka upp úr öllu valdi, horfa á eignir sínar verða að engu, horfa á lánin hækka um milljónir.. og geta ekkert gert.  Ég hitti fólk sem langar að komast burt úr borginni og jafnvel flytja aftur á heimaslóðir en það er fast - fast í fasteigninni sem það keypti sér - Nú eru það ekki fjötrar átthaganna sem binda fólk niður, heldur akkúrat öfug.. Lífið fer svo sannarlega í hringi.

Ég lenti á spjalli við góðan kunningja á jólahlaðborði í borginni á dögunum. Hann horfir á hvernig verðtryggingin gerir það að verkum að lánin hækka og hækka, afborganir hækka og hækka. Allt sem hann átti er að verða að engu. Lífsstarfið er horfið - étið upp af verðtryggingu og verðbólgu. Hann íhugar að fara úr landi, gæti það kannski með því að bjóða íbúðina á miklu undirverði - bara til að losna.. a.m,.k að reyna það. Hann sá enga ástæðu til þess að vera hér lengur og láta síðan börnin sín borga fyrir allt ruglið sem spilling samfélagsins hefur troðið upp á okkur.

Hann spurði þarna við borðið - Spurningu sem kom mér til að hugsa -

Nefndu mér eina góða ástæðu fyrir því að vera hérna áfram!!

uuu - sagði ég... einhver sagði Ísland er svo fallegt... Já en .. segir hann það eru fullt af stöðum sem eru fallegir, Náttúrufeguð finnst víða í heiminum.. og það er auðvitað rétt..

Það eru fjölskylda og vinir sem halda manni á staðnum býst ég við segi ég.. já ég skil það segir kunningi minn en það er vel hægt að rækta gott samband þó maður búi erlendis..til hvers að vera hérna??? ég meina það er ekki einu sinni gott verður hérna!!!!

Mér varð svararfátt - og ég varð hugsi -  Getið þið hjálpað mér..
Nefnið eina góða ástæðu fyrir því að vera  áfram á Íslandi eins og ástandið er núna..

Lífið er það sem gerist á meðan við erum upptekin við að gera annað!! Já ég man ekki hver sagði þetta en þetta rifjaðist upp fyrir mér þegar ég skellti mér á námskeið í Mindfullness

Það var svo sem ekkert nýtt í þessu fyrir jóga gúrúinn og sjálfshjálparfræðinginn Nóný. En það er bara svo merkilegt að maður gleymir þessu alltaf aftur. Svona setningar eins og - Hvernig væri að hætta að flýta sér og pirrra sig á rauðum ljósum. Þú ert hvort eð er þarna og getur ekkert annað gert. Hvernig væri að líta bara í kringum sig og leyta að einhverju fallegu til að horfa á? skoða jólaljósin og fjölbreytileika mannlífsins. og NJÓTA þess   Nákvæmlega - hvenær hætti ég því aftur?? það var miklu skemmtilegra að keyra heim af námskeiðinu heldur en á það.. í alvörunni

Það er fullt af fólki sem dögum saman veit ekkert hvað er í kringum það. Hvernig væri að horfa á himininn, sumir horfa ekki til himins vikum saman - en stundum er himininn ólýsanlega fallegur, hvernig væri að gefa sér meiri tíma til að njóta og vera í núinu, njóta þess sem er, finna lyktina á trjánum, horfðu á þína nánustu eins og þú sért að hitta nýja manneskju. Virkilega horfa og taka vel á móti, spyrja og hlusta raunverulega. Því þannig er það, með hverjum andardrætti felast ný tækifæri. þannig finnum við líka hamingjuna - því hamingjan felst í því að taka lífinu eins og það er og gera það besta úr þeim aðstæðum sem þú ert í.

Á þessu námskeiði vorum við líka látin fá eina rúsínu, við máttum bara velta henni í höndunum og skoða og finna hana fyrst, svo áttum við að finna lyktina af henni, og svo nudda henni við varirnar, að lokum mátum við setja hana inn fyrir varirnar og njóta hennar hægt - Ég veit að þetta hljómar mjög asnalega en án gríns þá var þetta lang besta rúsína sem ég hef smakkað um ævina

Við erum svo oft að háma í okkur og gera tvo eða þrjá aðra hluti í leiðinni og við gleymum að njóta matarins. Við gúffum í okkur verðum södd en nutum þess ekki neitt. Ég mæli með að við förum að vera meira meðvituð og í núinu.

Alveg eins og ung börn eru, þau eru flest náttúrulega hamingjusöm yfir engu. Kannski vegna þess að þau eru ekki að flýta sér, þau eru ekki að hugsa um eitthvað sem gerðist í gær og ekki hvað þau ætla að gera á morgun. Þau dvelja bara í núinu og þar er ekki hægt að vera vansæll

Njótum lífsins

Skál
Ég ætla að prófa rúsínu æfinguna á hvítvínsglasi á eftir hehe

Já hvað var það sem Kristinn H Gunnarson í Frjálslynda flokknum gerði? öllum að óvörum, studdi ekki vantrausttillögu á ríkisstjórnina. Jón Magnússon flokksbróðir hans er ekki par hrifinn af þessari gjörð. Hann segir að með þessu sé Kristinn orðin stuðningsmaður ríkisstjórnarinnar.

En er það svo? Ég hef oft pirrast út í einmitt það að flokkspólitík sé að eyðileggja fyrir hagsmunum almennings. Það skiptir ekki máli hvaða mál er á dagskrá og augljóst sé að það sé öllum til góða - stjórnarandstaðan er á móti, bara af því að hún á að vera á móti. 

Kristinn þarf ekki að vera stuðningsmaður ríkisstjórnarinnar þó að hann vilji ekki lýsa yfir vantrausti akkúrat núna á þessum tímapunkti. Þó að það sé kominn tími til að reka liðið sem útvegaði vín í unglingapartýið og datt í það með unglingunum... þá er allt í lagi að láta þau aðeins taka til eftir sig - að minnsta kosti það allra versta áður en þau fara .

Mér finnst Kristinn H vera meiri maður fyrir það sem hann gerði. Hann var að hugsa um hag þjóðarinnar en ekki flokkspólitík. Þó ég treysti ríkisstjórninni alls ekki núna og vilji hana fljótlega frá - þá tel ég að það sé vænlegra að hún sé við stjórnvölin þar til þau lán sem þau hafa útvegað eru gengin í gegn, þau komast hvort eð er ekki upp með að gera fleiri gloríur eins og ástandið er núna.... kosningar í vor er skynsamlegri leið að mínu mati..

Hvað finnst ykkur um þennan leik hjá Kristni? Viljið þið fá kosningar - núna eða strax eða kannski bara í vor?

segið mér hvað ykkur finnst

Það er ekki bara ég sem er eilífðarunglingur... ég er búin að komast að því. Ísland er ung þjóð og þjóðin hagaði sér alveg eins og óþroskaðir unglingar gera. Var í kapphlaupi um að vera flottust,  best í öllu, fallegasta kvennfólkið, sterkustu mennirnir, flottustu húsin,  besta vatnið, flestu kaup á flatskjám í heiminum. Bílaeign sem hvergi þekkist, ríkur, ríkari, ríkastur.. flugvélar, þyrlur og ég á flottara dót en þú nananana - eilíf standpínukeppni í gangi sem gat ekki endað öðruvísi en nákvæmlega eins og það endaði - með ósköpum!!

Unglingar eru oft alveg frábærir, orkumikilir, hugmyndaríkir, framkvæmdaglaðir og frumlegir. En þeir munu alltaf ganga aðeins lengra og aðeins lengra nema einhver stoppi þá af. Bara til þess að athuga hversu langt þeir komast. Þess vegna þurfa þeir foreldra eða forráðamenn, sem sýna þeim umhyggju og aga, setja reglur og sjá til þess að þeim sé framfylgt.

En hverjir eru foreldrar eða forráðamenn Íslensku þjóðarinnar?? Ja einhverja kusum við yfir okkur til þess að passa að ekki færi allt úr böndunum. Það klikkaði eitthvað í því kerfi, og ég tel að ríkisstjórnin, seðlabankinn og fjármálaeftirlitið hafi allt bara skellt sér á fyllerí með unglingunum. Já já bara mamman,pabbinn, amman og afinn skelltu sér á unglingafyllerí, döðruðu við unglingana og steingleimdu sér á verðinum. Bara ekkert að spá.

Ég er hrædd um að ef til hefði verið barnaverndarnefnd í þessu tilliti, þá hefðum við íslenska þjóðin verið tekin af þeim. Þau voru ekki hæf til þess að passa okkur. Við erum búin að fara okkur að voða, drekka allt vínið, æla yfir okkur, húsið í rúst og allt í drasli og forráðamennirnir bara með í partýinu.

Við þurfum nýja forræðamenn á öllum vígstöðum, og kannski er ekki til  sá íslendingur sem er starfinu vaxinn. Við þurfum kannski bara að láta senda okkur á stofnun þ.e Evrópusambandið. það getur passað okkur ég er nokkuð viss um það.

Reyndar hef ég alltaf verið frekar hlynnt því að ganga í Evrópusambandið, en það var af því að ég vildi að þjóðin myndi leggja sitt af mörkum til samstarfsins. En að ganga í sambandið eins og forsendurnar eru núna - það finnst mér ömurlegt

Hvað finnst ykkur??

Erum við nú hengd eða sloppinn?

 Deilan leyst segir einn!!

 Uppgjöf, tap og það versta sem gat gerst segir annar!!

 Hvort er það?

 Hvað þýðir 20.000 evrur á hvern reikning?

 Hvað eru þetta margir reikningar??

 Er nú verið að reyna slá ryki í augun á okkur??

 Ég segi nú bara eins og Steingrímur – Ég hef vonda tilfinningu fyrir þessu.

 Hvað segið þið??

 

Ég var að spjalla við Önnu Dóru systur í símann áðan og hún las fyrir mig sögu upp úr mogganum sem ég hef ekki hætt að hugsa um síðan: Hún hljómar einhvernveginn svona.

Fiskimaður kemur að landi á litla bátnum sínum með ágætis afla. Maður stendur á ströndinni og segir, varstu lengi að veiða þennan afla? nei alls ekki - svarar fiskimaðurinn. Hvers vegna veiðir þú þá ekki meira? Vegna þess að ég þarf ekkert meira, þetta er alveg passlegt til þess að fæða fjölskylduna um tíma. En hvað gerir þú þá við tímann þinn? Ég bara hef það gott og nýt lífsins, sef út, borða morgunmatinn í rólegheitunum, les blöðin, leik við börnin mín, kela við konuna mína, fer niður í bæ og heilsa upp á fólkið, tek jafnvel í gítarinn..

Nei þetta er ekki nógu gott segir aðkomumaðurinn, þú verður að fara að veiða meira, kaupa fleiri báta, flytja til borgarinnar og opna verksmiðju, ráða fullt af fólki í vinnu og verða ríkur. Já segir fiskimaðurinn og hvað svo?? Ja eftir svona 20 ár getur sellt allt og keypt hlutabréf og orðið alveg moldríkur!! Já og hvað þá??

Ja þá getur þú komið hingað aftur, veitt smá af fiski, sofið út, leikið við barnabörnin, kelað við konuna og farið niður í bæ og gripið í gítarinn!!

Segir þetta bara ekki allt sem segja þarf??

kær kveðja
Prinsessan
 

Það er ekki mjög langt síðan að fólk var almennt dæmt út frá bóklegri kunnáttu eða greindarvísitölu þegar spáð var í gáfur þess og greind. En er það rétt??

Maður að nafni Gardner kom fram fyrir einhverjum árum og benti á að það væru til fleiri en ein gerð af greind. Þó það nú væri!! af hverju var enginn búin að benda á þetta fyrr!!

Hann telur að til sé málgreind, tónlistargreind, rök og stærðfræðigreind, rýmisgreind, líkams og hreyfigreind, félagsgreind, sjálfsþekkingargreind og umhverfisgreind. Hann telur að jafnvel séu til fleiri greindir sem enn hafa ekki verið skilgreindar. Hver einasta manneskja hefur allar þessar greindir en þær eru mis sterkar hjá hverjum og einum. En aðrir hafa snilligáfu í ákveðinni greind en eru afar slakir í einhverri annari.

ER það ekki einmitt frábært, hversu ólík við erum og með mismunandi hæfileika. Við þurfum bara að fara að meta alla þess hæfileika jafnt. Ekki upphefja eina tegund en gera lítið úr annari. Lífið væri ekki nærri því eins skemmtilegt  ef ekki væri fyrir fjölbreytnina.

Hvaða greindir eru sterkar í þinni sál??

Hér koma nokkrir gullmolar úr bók  (klárari en þú heldur). sem ég var að lesa fyrir skólann um mismunandi hæfileika fólks í mismunandi greindum...

Agatha Christie sakamálarithöfundur - Engar bækur hafa verið gefnar út í jafn mörgum eintökum en hennar. Það eru til um hálfur milljarður af útgefnum bókum eftir hana. En hún átti í miklum erfiðleikum með bæði stafsetningu og málfræði!!

Tónlistargreindin kemur snemma fram hjá börnum  og þau hreyfa sig við tónlist áður en þau fara að tala. Til eru undrabörn á þessu sviði sem koma fram á opinberum tónleikum aðeins þriggja ára gömul.

Til er fólk sem býr yfir ofur - reikningsgetu og getur reiknað erfiðar stærðfræðiþrautir á svipstundu í huganum. Það getur sagt þér á hvaða vikudegi afmælið þitt verður árið 3075 eða útkomuna á 24.637.646 x 46.593.299 á sama tíma og það tekur venjulegt fólk að kveikja á vasareikni!!

Það er líka hægt að búa yfir ofursjón - til er fólk sem getur þekkt aðra manneskju íum eins og hálfs kílómetra fjarlægð!!!

Já við höfum hæfileika í mismunandi mæli - en málið er að nota það sem þú hefur. Sumir eru ríkulega útbúnir af hæfileikum en nota þá ekki neitt. Það er sorglegt.  Málið er nefninilega að við erum ekki það sem við getum - heldur það sem við gerum!!

Gerið eitthvað sniðugt núna - finnið leiðir til að nota hæfileikana ykkar og njótið þess..

kær kveðja
Prinsessan

Snillingar virðast eiga afmæli í október.. og allir þessir þrír sem ég minnist á hér hafa haft mikil áhrif á líf mitt.

Fyrstan skal telja föður  minn, Jóhann Halldórsson sem átti afmæli 24 október og hefði því orðið 66 ára á föstudaginn.  Hann kenndi mér ótrúlega margt gott. Hann kenndi mér fyrst og fremst að allir eru jafnir og að koma fram við alla af virðingu. Hann virtist alltaf jafn áhugasamur um fólk hvort sem það voru olíuforstjórar eða öskukallar, þeir voru alveg jafn merkilegir í hans augum og það finnst mér eitt það dýrmætasta sem hann kenndi mér. En líka að leti er bara leiðinleg og eingöngu fyrir aumingja. Það er bannað að vera veikur, því hef ég alltaf farið eftir, það þarf að gera meira en gott þykir, samanber að maðurinn synti u.þ.b kílómeter á dag en fannst leiðinlegt að synda!! Að nýta alla hluti til hins ýtrasta og aldrei kaupa nýtt ef það gamla er enn í lagi. og já - Það eru ekki alltaf jólin  Maðurinn var líka með einstakan kaldhæðnis húmor

Svo skal telja upp eina bestu vinkonu mína - Lóu Kristínu Guðmundsdóttur en við höfum þekkst frá því að við vorum þriggja ára. Hún varð fertug núna á laugardaginn 25 október. Með húmorinn að vopni hefur hún komist í gegnum ótrúlega erfið tímabil í lífinu og er svo miklu sterkari karakter á eftir. Hún hefur kennt mér að reyna að sjá spaugilegu hliðarnar á öllum aðstæðum sama hversu ömurlegar þær eru. Hún er líka ein fyndnasta kona í Evrópu og þó víða væri leitað.

Að lokum skal telja upp eldri systur mína Birgit Jóhannsdótttur en hún átti afmæli í gær 28 október. Hún hefur reyndar ekki alltaf verið eldri en ég en tók upp á því að fara fram úr mér um 25 ára aldurinn og ákvað síðan að verða míní móðir mín um svipað leyti og sonur hennar varð eins árs. Síðan þá hefur hún reynt að ala mig upp með misjöfnum árangri. Birgit hefur kennt mér margt, hún hefur til dæmis kennt mér að gera grín að sjálfri mér og viðurkenna veikleika mína og leyfa þeim bara að vera eins og þeir eru, hún hefur kennt mér að gallar í fari fólks eru nauðsynlegir því fullkomið fólk er óþolandi og hún hefur líka kennt mér að hlægja að sjálfri mér. Birgit er líka í hópi með Lóu ein fyndnasta konan innan ESB og þó víðar væri leitað

Ég þakka þeim öllum fyrir að gera líf mitt betra

kær kveðja
Prinsessan

 Ég dvaldi á æskuslóðum mínum um helgina. Við leik og störf.  Það var bara næs, tók viðtal við uppáhaldskennarann minn á eyjunni. En það er Baldvin Kristjánsson - hann er snillingur að mínu skapi Ég er nefninilega að gera rannsókn í skólanum í fagi sem heitir Eigindlegar rannsóknaraðferðir: Rannsóknin mín heitir: Hvað einkennir góðan kennara? Ég er búin að taka viðtal við tvo vinsæla og farsæla kennara í framhaldsskólum hér í bænum svo mér fannst upplagt að taka eitt í FÍV. Svo mun ég að sjálfsögðu taka mér þá bestu til fyrirmyndar í framtíðinni

Getið þið kannski sagt mér hvað einkennir góða kennara?
Hver er besti kennari sem þið hafið haft?
Hvers vegna var hann góður?

Það væri mjög fínt að fá svör frá ykkur núna - það hjálpar mér enn frekar að vinna að rannsókninni minni

kær kveðja
Prinsessan

 Á föstudagskvöld: Dásamlegir tónleikar ásamt syni mínum og heitum aðdáenda Vilhjálms. Ég grét yfir sumum lögum en hló yfir öðrum skemmti mér stórvel.
Nokkur texta brot:

Alveg er sama hve ánægður dvel, í allsnægtum mér verður ekkert um sel...
Hamingjan drukknar sem dægurfluga í draumum um meira á alsnægtarborð

Lítill drengur ljós og fagur lífsins skilning öðlast senn.. hjálp Jónsi og sonur hans Vilhjálms sungu þetta - það var æði.

Sú bæn er mín, ég bið til þín, að þú efist ekki um þessi orð, sem ég skrifa um borð - ég hugsa heim til þín - ástin míííín

Ég held við ættum stundum að hlusta aðeins betur á hugrenningar þeirra sem erfa skulu land. Því kannski er næsta kynslóð, kynslóðin sem getur komið fram með svörin þar sem silgdum við í strand.

Þá dreymir mig um bassa sem botninn fylla kann og bið svo guð um sólógítar til að styðja hann.. Laddi tók þetta með stæl

  Laugardagskvöld: Janis 27 með góðum vini mínum - Váááááá!!! Bryndís Ásmundardóttir er stórkostleg þegar hún syngur lögin hennar Janis - og ilmur kryddar þetta vel upp með frábærlega góðum leik.. Ég skemmti mér ótrúlega vel..

Nokkur textabrot:
You say that it´s over baby..... Won´t you move over...

Oh! take a nother litle piece of me heart now baby..

I need a man to love me...

Bobby sing the blues... holding Bobbys hand in mine .. freedom is just a nother word for nothing left to loose... for me and Bobby Mcgee... nonononnanah..

Oh Lord wan´t you buy me a mercedes Bens..

Men hvað manneskjan söng vel - ég er búin að ákveða það að ef ég fæ ekki að vera góð söngkona í næsta lífi - þá er ég hætt í þessum leik!!

Góðar setningar Janisar:

Hva! er one night stand eitthvað verra en 40 ára leiðindi???

Helvítis læknar - mála skrattann á vegginn og vilja svo fá borgað fyrir það!!

Mér líður eins og lest - alveg á fullri ferð - bara ekki á teinunum!

Mæli með því að hlusta á þessa listamenn, sem bæði dóu ung og á hinum dásamlegu hippaárunum...

Stundum veit ég ekki hvort ég á að syrgja eða þakka fyrir  það - að ég var ekki uppi á þeim tíma. Ég hefði pottþétt farið til San Francisco og tekið þátt í partýinu þar :-)
AHH -  Ást og friður veri með ykkur -
kveðja
Prinsessan

Heyrðu bíddu - Hver fann upp bankann?? Til hvers í ósköpunum þurfum við öll að geyma peningana okkar í einhverri stofnun sem er skítsama um okkur. Er ekkert pláss heima hjá okkur? Hver fann upp á þessu?? Væri ekki bara betra að einfalda lífið - fá útborgað vikulega í seðlum og geyma peningana sjálfur. En jú við geymum þá í bankanum til þess að ávaxta þá - hvaðan koma þessir vextir?? Er bankinn að gefa okkur þá - uu neij -- Tekur þá frá þeim sem eiga engan peninga og skulda og gefa þeim sem eiga fullt af peningum. Er þetta ekki einhvernveginn svona?? Nei ég bara spyr. Peningar eru ekki lifandi og þeir vaxa ekki við góð skilyrði. Bankastofnanir eru stofnaðar til þess að eigendur græði pening. Hver borgar??  Væri ekki bara betra að hver og einn einstaklingur og fyrirtæki myndi bara halda sínu. Svo myndum við bara safna okkur fyrir draslinu sem okkur vantar. Miklu einfaldara. Já eigum við ekki bara að leggja niður þessa banka? Þetta er ekkert góð hugmynd. Eða hvað finnst ykkur - ég bara spyr sko..

kær kveðja
Prinsessan

Góla systir var að kvarta við mig í gær - að hún væri orðin svo leiðinleg - hún nennti ekki einu sinni að fara á ball. Þetta er bara búið hjá manni best að fara að panta á elliheimilið segir hún. Ég sagði það er nú bara eins og að fara á leikskóla aftur segi ég. Já einmitt - leikskóli fyrir ýkt gamla krakka!

Það er nú þannig að þegar ég verð kominn á eftri unglingsárin þá ætla ég bara að fara snemma á leikskóla fyrir ýkt gamla krakka. Það mun eiga vel við mig, föndra,spila,lesa, og lita allan daginn. Mér mun finnast ég vera í sumarbúðum og verða bara alsæl með þetta.

En Góla systir - hún gæti þetta ekki - Hún hatar föndur og finnst leiðinlegt að spila. Það verður að breyta einhverjum af þessum leikskólum fyrir ýkt gamla krakka til þess að hún geti verið þar. Það yrði þá líklega að hafa bjór í morgunmat, spila eðaltónleika í lúxussölum og gálgahúmors spjall og irish coffe sull í þægilegum sölum.  

Þetta gæti nú verið góð hugmynd - þið mynduð kannski vilja útfæra þetta betur með mér. Ný kynslóð af leikskólum fyrir ýkt gamla krakka

Hann er farinn Mér líður eins og ég hafi sloppið úr fangelsi. Meeeen hvað það er gaman í dag. Ég mun fara með vinkonum mínum út að djamma í kvöld - stefnan tekin á níntínspartý á Nasa. Óje óje ójeeeee

Ekkert getur spillt gleði minni í dag - mér finnst ég svooo heppinn. Getur til dæmis verið að ég sé fjármálasnillingur?? Er til eitthvað betra en að vera ég núna  - uuuu neij! Snillingurinn skuldar ekkert svo kreppa hvað?? HA! Glitnir farinn á hausinn - ekki Hressó litla krúttílega líkamsræktarstöðin okkar systranna - Hver hefði trúað því?? Kreppan Skiptir mig ekki nokkru máli. Reyndar ætti ég kannski að finna til með hinum en æ ég hjálpa ekkert með því að vera að vellta mér upp úr því. Ég hef reyndar mjög skrýtnar tilfinningar gagnvart þessari kreppu. Líður eins og það séu búnir að vera jarðskjálftar, og muni jafnvel verða eldgos. Það er eitthvað spennandi við þetta. Auðvitað vonar maður að allir komi heilir út úr þessu. Þetta gæti orðið ansi erfitt fyrir marga, en erfitt er ekki endilega slæmt, áföll í lífinu eru oft dulin blessun svo er líka svo gaman þegar það erfiða er búið alveg eins og með mig og nasistann. Eftir á að hyggja hefðum við oftast nær ekki viljað missa af erfiðleikunum sem við höfum gengið í gegnum. Þeir eru það sem við erum stollt af því að hafa staðið af okkur. Þeir eru það sem gera okkur að því sem við erum.

Getur verið að við verðum olíulaus, getur verið að það verði skortur á innfluttum vörum, allt hækkar. Þetta þarf alls ekki að vera svo slæmt. Við förum bara öll að ganga og hjóla. Leigjum íbúð saman svona 10 manns í einni íbúð - voða gaman saman. Svo ræktum við kartöflur þar sem áður voru bílastæði og förum að tala saman. Kannski verður þetta bara gaman :-) Við þurfum ekkert að eiga neitt- Góðir vinir, góð tengsl við fjölskylduna og eitthvað að borða er allt sem þarf þetta er auðvitað dálítið eins og að vera í rússíbanatúbu. Veist bara ekkert hvert þetta fer eða hvernig þetta verður. MJÖÖG Spennandi finnst mér Við lifum þetta af - já já já

 líf og fjör og lakkrísrör - SKÁL!!

 Já ennþá ekki tala við mig -  En ég verð glöð ef ég lifi þessa viku af  án þess að missa vitið sem er alls ekki víst... úff ég þoli ekki svona mikið álag ég er alveg að fara að grenja þegar það er svona mikið að gera  - ég læri og læri og læri en ég er langt frá því að ná að gera það sem ég á að gera hvað þá að skilja allt sem ég á að skilja.. 3 verkefni eftir og próf á fimmtudaginn - djöfull skal ég detta í það þegar nasistinn er farinn... þangað til þá vinsamlegast sendið mér orku og visku í huganum...

Já það skiptast á skin og skúrir í skólanum eins og annar staðar - eins og ég var glöð og ánægð í síðasta kúrs í H.R þá er ég gjörsamlega fjúríus NÚNA Ekki það að mér finnsit námsefnið svona leiðinlegt - nei nei. Kennarinn  sem er frá Bandaríkjunum er veruleikafyrrtur nasisti sem níðist á okkur. Ég var í 12 klukkutíma að læra fyrir miðvikudagstímann en komst samt ekki yfir það sem ég átti að skila. Ég þarf að lesa um 100 illa inn skannaðar síður á erfiðri ensku á dag, svara spurningum, búa til kennsluáætlanir og gera önnur minni verkefni. Ég er auðvitað sem betur fer ekki sú eina sem er ekki að komast yfir þetta enda margir í meiri vinnu en ég með þessu námi. Ég bara verð í svo vondu skapi þegar ég kemst ekki yfir það sem ég á að gera. Ég hef ekki vaskað upp, búið um né þvegið þvott síðan ég byrjaði í þessu fagi. Allur minn tími fer í að læra en samt er það ekki nóg - AAAAAAAAAAAARRRRRRRRRRRRGGGGGGGGGG!!

Það var samt fyndið sem gerðist í skólanum á þriðjudaginn - þá var ég búin að vera að hlusta á nasistann á ensku, lesa allan daginn á ensku og skrifa á ensku. Í pásunni í skólanum þá fór ég í shjoppuna og keypti mér appelsínu sem kostaði 90 krónur. Ég hellti úr smápeningabuddunni og taldi 80 kr - og sagði ohh I don´t have enough - is it okey if I bring ten tomorrow?? Þegar ég gekk burt frá sjoppunni snarstoppaði ég allt í einu. Bíddu - ÉG TALAÐI ENSKU!!! WHAT!! svo hló ég með sjálfri mér og hrissti hausinn -meira ruglið. En ekki nóg með það - heldur þegar ég kom daginn eftir í shjoppuna, þá talaði afgreiðslustúlkan við mig á ensku - og þá var svo asnalegt að fara allt í einu að breyta svo að ég bara held áfram að vera útlensk þegar ég fer í shjoppuna í H.R hehe meira ruglið!!

Annars vona ég að ég nái að hvíla mig um helgina og nasistinn nái ekki að skemma helgina fyrir mér - Ég ætla að hegða mér eins og engill um helgina. Fara á kærleiksdaga í Skálhollti með Lóu vinkonu. Við ætlum að þykjast vera í vindáshlíð, fara með bækur, krossgátublöð og prjóna, fara í gönguferðir og hlusta á áhugaverða fyrirlestra.

Bið að heilsa í bili -
kær kveðja
Prinsessan